Меншіктеу операторы берілген өрнектердің мәнін есептеп, оны айнымалыға меншіктеу үшін қолданылады. Ол кез-келген бағдарламаның негізгі операторының бірі болып табылады. Меншіктеу операторының жалпы жазылу түрі:
Y:=Z;
Ү - айнымалының аты;
:= - меншіктеу таңбасы;
Z - өрнек.
Меншіктеу операторы өрнектің оң жағын, яғни Z өрнегінің мәнін есептеп, шыққан нәтижені сол жаққа, яғни Ү айнымалысына меншіктейді. Меншіктеу(:=) таңбасының математикадағы тең(=) таңбасынан айырмашылығы көп. Мысалы математикада У=У+1 жазуы дұрыс емес, ал бағдарламалауда У:=У+І меншіктеу операторы дұрыс жазылған және ол келесіні білдіреді: У айнымалысының бастапқы мәніне 1 қосылады, шыққан нәтиже У айнымалысына жаңа мән болып меншіктеледі.
У:=5; У:=У+1
Бірінші оператордың орындалу нәтижесінде У айнымалысы 5-ті меншіктейді, ал екінші меншіктеу операторы орындалғаннан кейін 6-ны меншіктейді.
Меншіктеу операторымен айнымалыларға символдық, логикалық шамаларды меншіктеуге болады. Мысалы:
A:='Қазақстан'; B:='Республикам'; С:='Менің'; Х:=а+Ь+с;
Нәтижесінде Х айнымалысы ҚазақстанРеспубликамМенің айнымалысы мәнін меншіктейді.
V:= (X<0) Or (X>=20);
Нәтижесінде:
Егер х-тің мәні теріс болса, онда V:=True мәнін меншіктейді;
Егер х-тің мәні 20-ға тең не үлкен болса, онда V:=True мәнін меншіктейді;
Егер х-тің мәні 0-мен 20-ға дейінгі сандар болса, онда V:=False мәнін меншіктейді.
2.3. Енгізу және шығару операторлары.
