Ubuntu-ში ფაილებთან სამუშაოდ ძალიან კომფორტული ინსტრუმენტებია ჩაშენებული და ამის განსახორციელებლად გვერდითა პანელიდან საკმარისია გავუშვათ Files აპლიკაცია
აპლიკაცია ძალიან მარტივია და ორი პანელისგან შედგება, მარცხნივ არის ადგილები, მოწყობილობები და ქსელი, მარჯვნივ კი შერჩეული პუნქტის შესაბამისი შიგთავსი.
Places - არის კონკრეტული ადგილები სადაც მომხმარებელი ჩვეულებრივ ინახავს დოკუმენტებს, სურათებს, მუსიკას, ვიდეოებს და ჩამოტვირთულ ფაილებს, ასევე არის Recent, რომელიც ბოლოს გახსნილი ფაილების სიას შეიცავს, არის Home - მომხმარებლის ძირეული ფოლდერი, Desktop - სამუშაო მაგიდა და Trash - სანაგვე ვედრო.
Devices-ში მოთავსებულია Ubuntu-თვის ხელმისაწვდომი ფაილების შესანახი მოწყობილობების სია, მათ შორის მყარი დისკები, USB ფლეშ დრაივები, CD/DVD მოწყობილობები და სხვა ფაილური რესურსებია წარმოდგენილი.
ფანჯრის მარჯვენა ზედა კუთხეში მოთავსებულია ძიების ღილაკი რომელზე დაჭერითაც იხსენბა ძიების ზოლი სადაც შეგიძლიათ შეიყვანოთ საძიებო სიტყვა, ასევე არის ორი ღილაკი, რომლებიც შესაბამისად გადართავს ფაილების სიასა და ხატულების რეჟიმებს შორის.
როგორც ნებისმიერ პროგრამას File-ს აქვს პარამეტრების სექცია, სადაც აპლიკაციის დეტალური მორგება არის შესაძლებელი ჩვენი მოთხოვნილებების მიხედვით.
პარამეტრების გასახსნელად მთავარი მენიუდან აირჩიეთ Edit > Preferences
პირველი ჩანართი Views განკუთვნილია პალიკაციის ვიზუალური მხარის მორგებისათვის
Default View-ში შეგიძლიათ აირჩიოთ სიის სახით ან ხატულების სახით ჩვენება და ფაილების სორტირების პარამეტრები მათი სახელის, შექმნის თარიღის ან სხვა კრიტერიუმების მიხედვით.
ასევე შეგიძლიათ აჩვენოთ ჯერ ფოლდერები და მერე ფაილები ასევე გამოაჩინოთ ან დამაოლოთ სისტემური და ბექაფ ფაილები.
Icon View Defaults ში შეგიძლიათ ხატულების ზომის მითითება ხოლო List View Defaults-ში გამოტანილი სიის ზომის შეცვლა.
Behaviour - ჩანართში შეიძლება გადავრთით ხატულებზე ერთხელ დაჭერის და ორმაგი დაჭერის რეჟიმი
Exacutable Text Files - ის პარამეტრებში შეგვიძლიათ მივუთითოთ ამ ფაილების პირდაპირ გაშვება, ტექსტურ რედაქტორში ჩვენება ან შეკითხვა ყოველ ჯერზე
Trash - სანაგვე ვედროს პარამეტრები განისაზღვრება მათში ფაილების გადატანისას შეკითხვა და მათ შორის ფაილების სამუდამოდ წაშლის ვარიანტით.
Display ჩანართში შეგიძლიათ ხატულების ქვეშ გამოსახული ინფორმაციის მითითება მათ შორის ზომა, შეცვლის თარიღი და სხვა პარამეტრებიც შედის
List View - ში შეგიძლიათ ფოლდერების ნავიგაციის ხისებრი სტრუქტურის რეჟიმში გადართვა
List Columns ჩანართში ნაჩვენებია სიის რეჟიმში გამოსატანი კოლონების ისა, რომელთა შორის შეგიძლიათ აირჩიოთ სახელი, ზომა, ტიპი, ცვლილების დრო, მიმართვის დრო, მფლობელი, ჯგუფი, უფლებები, MIME ტიპი, მდებარეობა.
Files - ფაილებისთვის შეგიძლიათ მიუთითოთ თუ რომელი ლოკაციებიდან მოხდეს ნახატების გენერაცია და ასევე ფაილის მაქსიმალური ზომა რომლებისთვისაც მოხდება ამ ოპერაციის შესრულება
Folders - ფოლდერების შიგთავსის შესწავლის პარამეტრებში შეგიძლიათ მიუთითოთ თუ რომელი ლოკაციისვის მოხდეს ამ პარამეტრების გამოთვლა.
ტექსტური რედაქტორი Gedit
Ubuntu-ში ისევე, როგორც სხვა მრავალ დისტრიბუტივში ტექსტთან სამუშაოდ გრაფიკულ გარემოში გამოიყენება Gnome-ის პაკეტში შემავალი ტექსტური რედაქტორი Gedit.
Gedit არის მოქნილი უტილიტა იმისთვის, რომ შევქმნათ და შევცვალოთ მარტივი ტექსტები, ასევე ვიმუშაოტ სისტემურ ფაილებთან მათი კოფიგურაციის მიზნით და რაც მთავარია ამ რეაქტორში გათვალისწინებულია პროგრამირების და სკრიპტების ენების მხარდაჭერაც რაც მასში შესაბამისი ფაილების გახსნისას სინტქსის სხვა და სხვა ფერებში გამოტანით გამოიხატება, რითაც უამრავი ტიპის ფაილების რედაქტირება ძალიან მოხერხებული და კომფორტული ხდება.
პროგრამის ინტერფეისი ძალიან მარტივია და მის მთავარ მენიუში უმთავრესი ფუნქციებამდე წვდომის ღილაკებია მოთავსებული
ახალი ფაილის შექმნა, არსებული გახსნა, შენახვა, ბეჭდვა, ოპერაციების უკან და წინ დაბრუნება, ამოჭრა, კოპირება, ჩასმა, ძიება და ჩანაცვლება.
Gedit-ის პარამეტრებში შესვლა Files-ის მსგავსად ხდება Edit>Preference-ის საშუალებით მთავარი მენიუდან
View ჩანართში შეიძლება სტანდარტული ფანჯრის და ტექსტის გამოჩენის პარამეტრების შეცვლა.
Display Line Numbers - პარამეტრი ყოველი სტრიქონის წინ ამ სტრიქონის ნომერს გამოაჩენს, რაც ხშირად პროგრამისტებს და სისტემურ ადმინისტრატორებს უადვილებთ საჭირო ფრაგმენტის მოძიებას
Display Right Margin - პარამეტრი განსაზღვრავს ტექსტის მარჯვენა საზღვარს, რაც ხშირად 80 სიმბოლოთი (სვეტით) განისაზღვრება.
Text Wrapping - ფუნქციონალი განსაზღვრავს უწყვეტი სტრიქონის შემდეგ სტრიქონზე ავტომატურად გადატანის შესაძლებლობებს.
Highligting - შესაძლებლობას იძლევა მოინიშნოს მიმდინარე სტრიქონი ან ფრჩხილებს შორის მოთავსებული ტექსტი.
Editor
Tab Stops - პარამეტრით შეიძლება ტაბულაციისას გამოტოვებული სიმბოლოების რაოდენობის მითითება, ასევე ტაბულაციის ნაცვლად ცარილეი სიმბოლოების ჩასმა და ავტომატური ინდიკაციის გააქტიურება.
File Saving - შესაძლებელს ხდის შეიქმნას ფაილის ბექაფი შენახვამდე და ფაილის ვერსიების ავტომატურ შენახვას დროის მითითებულ ინტერვალში.
Color Scheme - საშუალებას გაძლევთ აირჩიოთ თქვენთვის კომფორტული და მისაღები ფერთა პალიტრა.
Plugins - ჩანართში შეგიძლიათ ჩართოთ პროგრამის ფუნქციონალის გაფართოების მიზნით ჩაშენებული დამატებები, რომლებიც სხვა და სხვა დანიშნულებით გამოიყენება.
Document Statistics - აჩვენებს სიტყვების, სტრიქონების და სიმბოლოების რაოდენობას ფაილში, File Browser Panel - გვიადვილებს ფაილებთან წვდომას, Insert Date/Time საშუალებას იძლევა ტექსტში ჩავსვათ თარიღი და დრო და ა. შ.
Libre Office
Linux დისტრიბუტივების უმრავლესობაში საოფისე პაკეტი აუცილებელი და სტანდარტული კომპონენტია. ისტორიულად Libre Office-ის შექმნამდე გამოიყენებოდა OpenOffice, რომელიც არის LibreOffice-ის წინაპარი და ლიცენზიური შეთანხმების პირობების ცვლილების გამო პროგრამისტების ჯგუფმა გადაწყვიტა OpenOffice-ის ნაცვლად მისი განვითარება ახალი პროექტის Libre Office-ის სახით გაეგრძელებინა.
Libre Office ახლა უკვე არის Document Foundation-ის პროექტი, რომელიც ღია წყაროთი და Mozilla Public ლიცენზიით ვრცელდება.
Libre Office-ის უმთავრესი შემადგენელი აპლიკაციებია:
Writer - ტექტური რედაქტორი
Calc - ელექტრონული ცხრილების რედაქტორი
Impress - პრეზენტაციების რედაქტორი
Draw - ვექტორული გრაფიკის რედაქტორი
Base - მონაცემთა ბაზების რედაქტორი
Math - მათემატიკური გამოთვლების და ფორმულების რედაქტორი
სხვა პროპრიეტარული პროდუქტებისგან განსხვავებით, როგორიცაა Microsoft Office, Libre Office გამოირჩევა თავის მარტივი და ინტუიტიური ინტერფეისით. მას აქვს სტანდარტულად ღია და პროპრიეტარული ფორმატების მხარდაჭერაც, რაც უზრუნვეყოფს თავსებადობას Microsoft Office-თან.
უმთავრესი ფორმატი რითაც Libre Office სარგებლობს ეს არის Open Document Format (ODF) , რაც საერთაშორისო სტანდარტია და უზრუნვეყოფს თავსებადობას Google Docs/Drive სერვისთანაც. ODF არის XML სტრუქტურის მქონე ფორმატი, რომელიც გამოიყენება საოფისე აპლიკაცეიბისთვის და აადვილებს თავსებადობას სხვა და სხვა აპლიკაცეიბის პაკეტებს შორის.
